21 лютага ў свеце адзначаецца Міжнародны дзень роднай мовы. Гэта свята традыцыйна адзначаецца і ў нашай установе. Ведаць родную мову гэтак жа важна, як і быць патрыётам сваёй краіны і годным яе грамадзянінам.
З 15 па 19 лютага ў ДУА "Яслі-сад №4 "Ручаёк" г.Касцюковічы" праходзіць тэматычны тыдзень "Каб мова родная гучала". З выхаванцамі арганізаваны хвілінкі адкрыцця роднай мовы, хвілінкі-весялінкі, беларускія гульні, адгадванне загадак, складанне прыказак. Педагагічныя работнікі далучаюць дзяцей да беларускай мовы, выхоўваюць цікавасць да твораў беларускай мастацкай літаратуры і фальклору, знаёмяць з творамі беларускіх пісьменнікаў.